मन वेडेपिसे. . .

मनात राहिले सारे.... जे मनात पाहिले सारे

आजही मनात उठतात प्रेम ज्वाळा, अन् मन-मनीच वाहतात प्रेम वारे

तुझ्या शिवाय कुणी आले नव्हते असे. . . . . . त्यापूर्वी कधी ना त्यानंतर कधी

मन माझे नव्हते इतके वेडेपिसे. . . . त्यापूर्वी कधी ना त्या नंतर कधी. . . .

-प्रशांत वालावलकर

आज पुन्हा . . .

तिचीच आठवण आज पुन्हा
तिचाच चेहरा डोळ्यात पुन्हा
आज गवसली तिची आठवण नवी,
ती भेटली अनपेक्षित आज पुन्हा . . .

समोर उभी ती आज पुन्हा,
तशीच हसरी आज पुन्हा,
हसत निरोप दिला तिस
अन् डोळ्यात भरून घेतले आज पुन्हा . . .

ती आज ही तसेच बोलते,
जणू काही कधी घडलेच नव्हते

समोर येते ते एकच सत्य. . .
मीच वेडा तिच्याविण सुना
क्षणात विसरली ही असेल ती मज . . . आज पुन्हा . . . आज पुन्हा . . . आज पुन्हा

-प्रशांत वालावलकर